Pinnekjøt:
Me produserer pinnekjøt for levering til jul. Pinnekjøtet er salta og røykt etter gamal tradisjon på Holo. Røyking med oreved gir kjøtet den fine raudfargen og den milde røyksmaken. Pinnekjøtet heng på stabburet vårt til tørking/modning fram til jul. |
 |
Lammerull:
Frå gamalt av har utvalte delar av lammeslaktet vorte nytta til lammerull. Rullen er laga for hand, salta og krydra, deretter er den røykt i eldhus. Røyking med oreved gir ein fin raudfarge på rullen utan bruk av kunstige tilsetningsstoff. Rullen er ferdig kokt og pressa - klar til bruk som pålegg på julebordet. |
 |
Spekemat:
Me lagar spekekjøt av eigne lammeslakt. Spekepølse vert produsert av sau- og geitekjøt. Spekepølsa vert krydra med skårakung som veks vilt på Holo. Kjøtet vert salta og røykt i vårt nyrenoverte eldhus. Deretter heng det til tørking / speking på stabburet fram til neste vår. |
 |
Sauebollar:
Sauebollar er ein tradisjonsrik middagsrett frå Aurland. Sauebollane er laga av finmalt sauekjøt etter gamal oppskrift frå Aurland. Bollane er spedd med kraft og forma for hand. Sauebollar kan serverast med lys eller brun saus, poteter og grønsaker. |
 |
Korv:
Me lagar korv av reinskore sauekjøt. Korven er mildt krydra, spedd med potetmjøl og kraft. Røyking med oreved gir korven den fine raudfargen utan bruk av tilsetningsstoff.
|
 |
