I midten av juni begynner siloslåtten. Omlag 12 mål jord er oppdyrka, slik at me kan hauste graset med forhaustar og Vossakasse. Det bratte terrenget på Holo gjer at me er avhengig av godt ver for å kunne bruke forhaustaren i slåtten.

Alt turrhøyet sauene treng til vinterfor vert hausta med slåmaskin og ljå. I godt ver vert graset forturka på bakken - deretter vert det turka ferdig ved hjelp av vifte på låven. Dei siste somrane har vore svært nedbørsrike, difor har me vore nøydde til å hesje mykje av graset for å få det turt. Det er både tungt og arbeidskrevande å hesje vått gras. Er me heldige med veret varer slåtten til begynnelsen av august.